ဗိုလ်ချုပ်အောင်ဆန်း မွေးနေ့ ဖေဖော်ဝါရီ ၁၃ ရက်ကို ကလေးများ နေ့အဖြစ် သတ်မှတ်ပြီး တနိုင်ငံလုံး မှာ ရှိတဲ့ မြို့တိုင်းမှာ အထိမ်းအမှတ် အခမ်းအနားတွေကို စည်စည်ကားကား ပြုလုပ်သွားမယ်လို့ ဒီနေ့ထုတ် နိုင်ငံပိုင် သတင်းစာတွေမှာ ဖော်ပြ ထားပါတယ်။
အရင် စစ်အစိုးရ လက်ထက် နှစ်ပေါင်း ၂၀ ကျော်ကြာ မကျင်းပခဲ့တဲ့ ဗိုလ်ချုပ်မွေးနေ့ မြန်မာနိုင်ငံ ကလေးများနေ့ကို ဦးသိန်းစိန် အစိုးရ တက်လာပြီး လေးနှစ်လောက်အကြာမှာ ပြန်လည်ကျင်းပမယ်လို့ အစိုးရက ကြေညာခဲ့တာ ဖြစ်ပါတယ်။
အထိမ်းအမှတ် အခမ်းအနားတွေမှာ စာစီစာကုံး၊ ဆောင်းပါး၊ ကဗျာပြိုင်ပွဲတွေအပြင် အခြားပျော်ပွဲရွှင်ပွဲတွေလည်း ထည့်သွင်း ကျင်းပသွားမယ်လို့ ဆိုပါတယ်။
လတ်တလောမှာတော့ အတိုက်အခံ အန်အယ်လ်ဒီပါတီက ဦးဆောင်ပြီး ဗိုလ်ချုပ်အောင်ဆန်းမွေးနေ့ နှစ် ၁၀၀ ပြည့် အထိမ်းအမှတ် အခမ်းအနားတွေ နိုင်ငံတ၀န်း ကျင်းပပြုလုပ်နေပါတယ်။
Credit >>> DVB
0 comments:
Post a Comment